शंखरापुर, काठमाडौँ। साविक विजेता अर्जेन्टिनाले दुई गोलले पछि परेको अवस्थाबाट अलपपओविश्वसनीय पुनरागमन गर्दै फिफा विश्वकप–२०२६ को क्वाटरफाइनलमा स्थान सुरक्षित गरेको छ। मङ्गलबार राति सम्पन्न रोमाञ्चक प्रिक्वाटरफाइनल खेलमा अर्जेन्टिनाले इजिप्टलाई ३–२ गोलले पराजित गर्दै उपाधि रक्षा अभियानलाई निरन्तरता दिएको हो।
खेलको सुरुआतदेखि नै आक्रामक देखिएनबंंको इजिप्टले १५औँ मिनेटमा यासेर इब्राहिमको गोलबाट अग्रता बनाएको थियो। त्यसपछि २१औँ मिनेटमा अर्जेन्टिनाले पेनाल्टीमार्फत खेल बराबरीमा ल्याउने अवसर पाए पनि कप्तान गोल गर्न असफल हुनुभयो। पहिलो हाफ १–० ले अघि रहेको इजिप्टले दोस्रो हाफको ६७औँ मिनेटमा मोस्तफा जिकोको गोलसँगै अग्रता २–० मा पुर्याउँदै अर्जेन्टिनामाथि थप दबाब सिर्जना गरेको थियो।
दुई गोलले पछि परेको अर्जेन्टिनाले भने हार मानेन। खेलको ७९औँ मिनेटमा ले गोल गर्दै पुनरागमनको संकेत दिनुभयो। त्यसको चार मिनेटपछि कप्तान मेसीले उत्कृष्ट गोल गर्दै खेललाई २–२ को बराबरीमा ल्याउनुभयो। त्यसपछि थपिएको इन्जुरी समयको तेस्रो मिनेट (९०+३) मा ले निर्णायक गोल गर्दै अर्जेन्टिनालाई रोमाञ्चक ३–२ को जित दिलाउनुभयो।
खेलभर अर्जेन्टिनाले बल नियन्त्रण, पास आदानप्रदान र आक्रमणमा स्पष्ट वर्चस्व कायम गरेको थियो। अर्जेन्टिनाले ६१ प्रतिशत बल आफ्नो नियन्त्रणमा राख्दै १७ पटक पोस्टतर्फ प्रहार गरेको थियो भने इजिप्टले चार प्रहार मात्र गर्न सक्यो। अर्जेन्टिनाको पास सटीकता ९१ प्रतिशत रह्यो। अर्जेन्टिनाले छ कर्नर प्राप्त गर्दा इजिप्टले एक कर्नरको अवसर पाएको थियो। अनुशासनतर्फ इजिप्टका खेलाडीले चार पहेँलो कार्ड व्यहोर्दा अर्जेन्टिनाका कुनै खेलाडीले कार्ड पाएनन्।
यस जितसँगै अर्जेन्टिना विश्वकपको अन्तिम आठमा प्रवेश गरेको छ। अब अर्जेन्टिनाले जुलाई ११ मा स्वीट्जरल्यान्ड र कोलम्बियाबीचको विजेतासँग सेमिफाइनल प्रवेशका लागि प्रतिस्पर्धा गर्नेछ। कठिन परिस्थितिबाट गरेको यो पुनरागमनले अर्जेन्टिनाको उपाधि रक्षा अभियानलाई थप बलियो बनाएको छ भने प्रतियोगिताको सबैभन्दा रोमाञ्चक खेलमध्ये एकका रूपमा पनि यस खेललाई लिइएको छ।
