शंखरापुर,काठमाण्डौं।विपद्ले घरआँगन उजाडेपछि नुवाकोटको विदुर नगरपालिका–७, तुप्चेमा बाढीपीडित परिवारहरू अहिले खानाका लागि आवश्यक खाद्यान्नसमेत नपाउने अवस्थामा पुगेका छन्। संकटको यो घडीमा स्थानीयवासीले सहयोगी मनहरूसमक्ष मार्मिक अपिल गरेका छन्।
पीडाको बीचमा बाँचिरहेका परिवारका लागि अहिले ठूलो राहतभन्दा पनि एक छाक टार्ने चामल, खाना पकाउने तेल र नुन नै सबैभन्दा ठूलो आवश्यकता बनेको छ। त्यसैले सहयोग गर्न सक्ने व्यक्ति, सामाजिक संस्था, समूह तथा सहयोगी मनहरूलाई आफ्नो क्षमताअनुसार चामल, तेल, नुनलगायत अत्यावश्यक खाद्यान्न लिएर तुप्चेसम्म पुगेर सहयोग गरिदिन स्थानीयवासीले आग्रह गरेका छन्।
बाढीले घर, सम्पत्ति र दैनिकी खोसेको अवस्थामा पीडित परिवारलाई विपद्को सामना गर्न समुदायको साथ आवश्यक परेको छ। यस्तो कठिन समयमा गरिएको सानो सहयोगले पनि कुनै परिवारको आजको चुल्हो बल्न र भोलिको आशा जोगाउन महत्वपूर्ण योगदान पुर्याउनेछ।
सहयोग गर्न इच्छुक व्यक्ति तथा संस्थाले विदुर नगरपालिका–७ का वडाध्यक्ष रविन्द्र नेपालसँग प्रत्यक्ष समन्वय गर्न सक्नेछन्।
सम्पर्क : ९८४१०८४१६३ / ९८४१५४८९४७
तुप्चे अहिले दया होइन, साथ खोजिरहेको छ।
सक्नेले एक बोरा चामल, एक लिटर तेल वा एक पोका नुनबाटै सहयोगको हात बढाऔँ—विपद्ले निभाउन खोजेको चुल्हो फेरि बालौँ।
